Fifampizarana niarahana tamin’ireo mpisehatra eo amin’ny lafiny fisorohana ny aro loza eny anivon’ny toeram-piasana

Ho tohin’ny fikaonan-doha natao teto anivon’ny CNaPS ny 30 jona 2020 lasa iny ho fametrahana ny « LABEL SST-CNaPS », dia notanterahina anio zoma 06 aogositra 2021 tao amin’ny Hôtel « le PAVE Antaninarenina ». ny atrik’asa fifampizarana izay niarahana tamin’ireo mpisehatra eo amin’ny lafiny fisorohana ny aro loza eny anivon’ny toeram-piasana. Ny CNaPS, ny OSTIE, ny FUNHECE, ny AMIT, ny ESIA ary ireo solontena avy ao amin’ny Ministeran’ny Asa, ny Asam-panjakana, ny fampananan’Asa ary ny Lalàna Sosialy no tonga nandray anjara tamin’izany.
Lalana iray hahatongavana @ fanolorana ny Label SST-CNaPS ny fitsidihina ireo orinasa ataon’ny mpitsabo misahana manokana ny fahasalaman’ny mpiasa ka hitsirihina ireo tranga tsy ara-dalàna mety hampidi-doza. Misy araka izany ny lisitra efa voafaritra mialoha enti-manantanteraka ny fitsirihina, saingy rehefa natomboka moa ny asa dia hita fa misy ny fahasarotana eo amin’ny fanatanterahina izany ka nahatonga ny fanatanterahana ity atrik’asa ity, entina hanatsarana ny fomba fiasa sy hijerena ny vahaolana ho amin’ny tsaratsara kokoa hatrany.Tanjon’ity atrik’asa ity rahateo ny hampitoviana io lisitra io ho an’ny mpisehatra rehetra rehefa manao ny fitsidihina orinasa izy ireo.