Notanterahina androany talata 07 desambra 2021 teto amin’ny NOVOTEL ALAROBIA ny fanomezana marim-pankasitrahana ireo mpikambana CNaPS nisitraka voalohany ny Label SST. Misy sokajy telo (03) ny « LABEL » omena ireo mpikambana dia ny sokajy FEHIZORO (kintana 1) ; ny sokajy MENDRIKA (Kintana 2) ary ny sokajy RAITRA (kintana 3).  Niisa 27 ireo orinasa nisitraka izany. Raha ny voalazan’Atoa Tale Jeneralin’ny CNaPS RAKOTONDRAIBE Mamy dia tsy misy ny mason-tsivana manokana fa rehefa mpikambana CNaPS dia afaka misitraka izany rehefa mahafeno ny fepetra sy ny fenitra takiana amin’ny resaka aro-loza sy ny fahasalamana eny anivon’ny toeram-piasana. Tonga nanotrona ny lanonana Ramatoa RANAMPY Gisèle Minisitry ny Asa sy ny Fampananan’Asa ary ny Asa Sosialy, notronon’ireo orin’asa mpikambana sy mpiara-miombon’antoka amin’ny CNaPS.