CNaPS-INSCAE : Mipetraka ny fifam-pitokisana 

Notanterahina omaly Alakamisy faha 28 janoary 2021 ny fifanaovan-tsoniam-piaraha-miasa teo amin’ny CNaPS sy ny INSCAE (Institut National des Sciences Comptables et d'Administration d'Entreprise) izay notarihin’Adriamatoa Mamy RAKOTONDRAIBE, Tale Jeneralin’ny Tahirim-pirenena misahana ny Fiahiana ara-Tsosialy sy Ramatoa Harimino RAKOTO, Tale Jeneralin’ny INSCAE.

Anisan’ny zava-dehibe nifanarahana tamin’izany ny hanomezan’ny INSCAE fampiofanana arak’asa ireo mpikambana CNaPS izay very asa vokatrin’ny aretina COVID-19 teo iny ary ny fanomezana fiofanana ireo mpiasan’ny CNaPS araka izay filàna misy ho fanamafisana ny fahaiza-manaon’ ny mpiasa ho entina hanomezana fahafaham-po ireo mpikambana. 

Teo ihany koa ny fandraisan’ny CNaPS an-tànana ireo mpianatry ny INSCAE izay mila mizatra asa sy mila manao fikarohana.

Nilaza moa Andriamatoa Tale Jeneralin’ny CNaPS fa tanjona hapetraka amin’izao fiaraha-miasa izao ihany koa ny mba ahafahan’ny CNaPS mampivoatra sy mamaly ny filan’ireo mpikambana hatrany avy amin’ny alalan’ny fanamafisana ny fahaiza-manaon’ny mpiara-miasa amin’ny fifofanana iraisam-pirenena tahaka ny LEAN MANAGEMENT ohatra. 

Nanamafy kosa Ramatoa Harimino RAKOTO fa efa nisy ny drafitra napetraka araka ny filana arak’asa amin’izao fotoana izao mba hanomezana fahafam-po ireo mpikamabana CNaPS very asa izay mangataka ny fanampiana ka ahafahan’izy ireo miditra avy hatrany eo amin’ny sehatry ny asa rehefa vita ny fampiofanana.